LET THEM THEORY: Isang Repleksyon ng FTS Lobo Organization Inc.

IN PHOTO: The Core Officers of FTS Lobo Organization Inc.

Sa mga nakaraang buwan, naging panahon ng matinding pagkatuto at pagbabago para sa FTS Lobo Organization Inc. Bilang komunidad na nakatuon sa equality at empowerment, sanay na tayo sa mga hamon. Pero nitong mga nakaraang karanasan, mas lalo tayong napaalala kung gaano kahalaga ang malaman kung kailan dapat kumapit at kung kailan dapat mag-let go.

May ilan sa ating mga miyembro ang piniling umalis. Sa kalaunan, nalaman natin na habang kasama pa sila sa FTS Lobo, may plano na pala silang magbuo ng bagong grupo. Hindi naging madali tanggapin ito noong una. Natural lamng na dumating ang mga tanong tungkol sa loyalty at trust. Pero imbes na maging ugat ng hinanakit, tinanggap natin ito bilang paalala ng “Let Them Theory.”

Sinasabi ng “Let Them Theory” na kapag may taong umalis, hayaan mo sila. Kapag pinili nilang gumawa ng sariling landas, kahit matagal na pala nilang plano iyon, hayaan mo sila. Hindi natin kailangang pilitin ang mga taong hindi na naka-align ang puso at pananaw sa atin. Ang desisyon nila ay hindi pagbawas sa halaga natin, kundi paglilinaw kung saan dapat ilaan ang ating lakas. At nang natutunan nating mag-let go, doon natin nahanap ang kalayaan. Hindi na natin kailangang buhatin ang bigat ng pagpipilit na panatilihin ang mga taong may iba nang direksiyon. Mas pinili nating pahalagahan ang mga nananatili, ang mga miyembrong totoong naniniwala sa misyon at values ng FTS Lobo. Sila ang tunay na nagdadala ng ating adbokasiya at sama-samang nagtataguyod ng ating komunidad. Natuto tayong ang tunay na lakas ay hindi nasusukat sa dami, kundi sa lalim ng katapatan at pagkakaisa ng mga kasama.

Ang pagbitaw sa mga taong may ibang plano ay nagbigay daan para mas mapatibay natin ang ugnayan sa mga talagang kasama natin sa laban. At tuloy-tuloy ang paglalakbay ng FTS Lobo. Nananatili tayong nakatuon sa pagsusulong ng equality, sa HIV at SOGIE awareness, at sa pagbubuo ng safe spaces para sa LGBT community.

Ang mga umalis ay may sarili nilang landas, at nirerespeto natin iyon. Pero ang kwento ng FTS Lobo ay hindi nagtapos sa kanilang pag-alis. Sa halip, lalo pa tayong tumibay at lumago dahil sa mga aral na iniwan nito.

Ang “Let Them Theory” ay hindi tungkol sa pagkawala, kundi tungkol sa kalinawan. Itinuturo nitong tanggapin ang pagbabago nang may grace, pahalagahan ang mga nananatili, at magpatuloy nang may kapayapaan sa puso. At sa pagyakap natin dito, ang FTS Lobo ay patuloy na tatayo nang matatag, nagkakaisa, at higit na handa para sa mas maliwanag at mas inklusibong kinabukasan.

---

LET THEM THEORY: Isang Repleksyon ng FTS Lobo Organization Inc.

This piece was written by a proud member of FTS Lobo Organization Inc. who has chosen to remain anonymous. Their voice reflects the lived experiences of our community, and we honor their decision to share their story while keeping their identity private.

Want your story featured? Email us! We’re always listening. Stay tuned for more stories, features, and behind-the-scenes updates from the heart of FTS LOBO. Let’s continue making spaces that heal, celebrate, and empower. FTS LOBO—Where Every Identity Finds a Home.